Manuell dirigering etter trafikkulukke i Luster

Ein varebil og ein personbil kolliderte i ein sving på FV 55 like aust for avkøyringa til Mollandsmarki klokka 14.47. Det er opplyst at vegen på staden er glatt, og samanstøyten førte til ein del materielle skadar på begge køyretøya, opplyser politiet . Begge førarane, to menn i 20-åra og 60-åra, var vakne og medvitne. Mannen i 20-åra er frakta til legevakt for vidare undersøkingar, medan den andre er uskadd. Bergingsbil er rekvirert, og trafikken blir dirigert manuelt.
















